काठमाडौँ :१८ वर्ष मुनिको ललित स्मृति युथ फुटबलमा संकटा क्लबले मछिन्द्र फुटबल क्लबलाई हराएको छ ।

सातदोबाटो स्थित एन्फा कम्प्लेक्समा बिहिवार भएको खेलमा मछिन्द्र संकटासंग ४–२ गोलले पराजित भएको हो । संकटाको जितमा कृष्णबहादुर आलेमगरले दुई तथा  सविनकुमार लुंगेलीमगर र सुदीप लामाले समान एक–एक गोल गरे । मछिन्द्रका लागि कविर तामाङ र रोनिक रानामगरले एक–एक गोल गरे ।

जितसंगै १८ अंक जोडेको संकटा लिगको पाँचौं स्थानमा उक्लिएको छ । बिहिवार भएको पहिलो खेलमा त्रिभुवन आर्मी र एपिएफबीचको खेल २–२ गोलको बराबरीमा टुंगिएको छ । आर्मीकालागि रुस्तम थापामगर र अनुभव पुरीले गोल गरे ।

एपिएफका लागि सञ्जय योञ्जन र सुनिल थिङले गोल गरे । आर्मीले सुरुवाती अग्रता लिएपनि जित भने निकाल्न सकेन ।

जारी लिगमा ११ खेल खेलेको पुलिस ८ मा जित दुईमा बराबरी र एकमा हार सहित शिर्ष स्थानमा छ ।

उसले २६ अंक जोडेको छ । समान खेलबाट ७ मा जित एकमा बराबरी र तीनमा हार सहित २२ हंक बनाएको न्यूरोड टिम एनआरटी दोस्रो स्थानमा छ ।

समान खेलबाट ६ मा जित १ मा बराबरी र चारमा हारसहित १९ अंकको थ्रीस्टार तेस्रो स्थानमा छ ।