काठमाडौँ :ईङ्लिस प्रिमियर लिग फुटबलमा आज ६ खेलहरु हुने भएका छन् ।

आज शनिवार हुने पहिलो खेलमा लेस्टर सीटी र चेल्सीबीच प्रतिस्पर्धा हुँदैछ । यी दुई टोलीबीचको खेल किङ् पावर स्टेडियममा नेपाली समय अनुसार साँझ सवा ६ बजे सुरु हुनेछ । लिगको १५ औँ स्थानमा रहेको लेस्टर सीटी आज तेस्रो जित निकाल्दै एक स्थान सुधार गर्न चाहान्छ । १९ अंकसहित तेस्रो स्थानमा रहेको चेल्सी छैटौँ जित निकाल्न चाहान्छ ।

राती पौने ९ बजे अन्य पाँच खेलहरु हुनेछन् । उक्त समयमा पुलह्याम र वुलभ्स तथा एभर्टन र ब्रेनफोर्डबीच प्रतिस्पर्धा हुँदा सोही समयमा आर्सनल र नटिङ्गघम फरेस्टबीच पनि प्रतिस्पर्धा हुनेछ ।

बर्नमाउथ र ब्राइटन तथा एस्टन भिल्ला र क्रिष्टल प्यालेसबीच सोही समयमा प्रतिस्पर्धा हुँदैछ । जारी लिगमा ११ खेलबाट ९ मा जित ,एकमा हार र एकमा बराबरीसंगै २८ अंक जोडेको लिभरपुल शिर्ष स्थानमा छ ।

२३ अंकको म्यान्चेष्टर सीटी दोस्रो तथा १९ अंकको चेल्सी तेस्रो स्थानमा छ ।