काठमाडौँ :जनकपुर बोल्ट्स नेपाल प्रिमियर लिग (एनपिएल) को प्लेअफमा पुग्ने पहिलो टोली बनेको छ ।

आज भएको खेलमा पोखरा एभेन्जर्सलाई पाँच विकेटले हराउँदै जनकपुर एक खेल अगावै प्लेअफमा पुगेको हो । जितकालागि काठमाडौंले दिएको १ सय २ रनको झिनो लक्ष्य जनकपुरले १५ दशमलव ५ ओभरमा ५ विकेट गुमाएर भेट्टायो । जनकपुरको जितमा जेम्श निशामले सर्वाधिक २७ रनको योगदान गरे । हर्ष ठाकुरले २५ तथा लाहिरु मिलान्थाले १६ रन बनाए ।

त्यसअघि टस जितेर पहिले ब्याटिङ थालेको काठमाडौं गुर्खाज १९.३ ओभरमा १०१ रनमा अलआउट हुन पुग्यो । उसकालागि जेरार्ड इरास्मसले सर्वाधिक २० तथा कप्तान करण केसीले १९ रन जोडे ।

स्टीफन एस्किनाजीले १७ रन बनाएपनि अन्य खेलाडीले दोहोरो अंकको रन बनाउन सकेनन् । काठमाडौं गुर्खाजलाई सस्तैमा समेट्ने क्रममा ललित नारायण राजवंशी र शेर मल्लले सर्वाधिक तीन÷तीन विकेट लिए ।

मोहम्मद मोहसिनले २ तथा अरनिको यादव र किशोर महत्तोले एक÷एक विकेट लिए । जितसंगै जनकपुर १० अंक सहित शिर्ष स्थानमा उम्लिएको छ । ८ अंक सहित सुदूरपश्चिम दोस्रो स्थानमा छ ।