काठमाडौँ :कुशल मल्ल र रबि बोपाराले बिस्फोटक ब्याटिङ गर्दै शतकिय साझेदारी गरेपछि  चितवन राईनोजले जनपुर बोल्डसामु १८१ रनको बलियो लक्ष्य पेश गरेको छ ।

त्रिवि क्रिकेट मैदान किर्तिपुरमा टस जितेर पहिले ब्याटिङ थालेको चितवनल निर्धारित ओभरमा ५ विकेट गुमाउँदै १८० रन बनायो । उसकालागि कप्तान कुशल मल्लले सर्वाधिक ७२ रनको योगदान गरे । ४१ बलको सामना गरेका उनले ३ चौका र ७ छक्का प्रहार गरे । रबी बोपाराले ४४ रन बनाए ।चौथो विकेटकालागि मल्ल र बोपाराले ११३ रनको शतकीय साझेदारी खेले ।

हसन इसाखिलले २८ तथा सन्तोष कार्कीले १४ रन जोडे । बलिङतर्फ ललित राजवंशीले दुई विकेट लिए । हर्ष ठाकर,जेम्स नसीम र मोहम्मद मसिमले एक एक विकेट लिए । प्लेअफमा स्थान सुरक्षित बनाउन चितनलाई जित्नै पर्ने दबाब छ ।

आजको नतिजाले जनकपुरलाई भने कुनै असर गर्ने छैन । जनकपुर एक खेल अगावै प्लेअफमा पुगिसकेको छ ।