काठमाडौँ :नेपाल प्रिमियर लिग (एनपीएल) क्रिकेटमा आइतवार आज पनि दुई खेल हुने भएका छन् ।

आज हुने पहिलो खेलमा काठमाण्डु गुर्खाज र  विराटनगर किङ्स बीच प्रतिस्पर्धा हुनेछ ।  यी दुई टोलीबीचको खेल बिहान ९ बजे त्रिवि अन्तर्राष्ट्रिय क्रिकेट मैदान कीर्तिपुरमा हुनेछ ।

प्लेअफको सम्भावना बलियो बनाउन काठमाण्डुमाथि आजको खेल जित्नै पर्ने दबाब छ । विराटनगर भने  प्रतियोगिताबाट अङ्कगणितीय रुपमा बाहिरिसकेकाले आजको खेल उसका लागि प्रतिष्ठाका लागि मात्रै हुनेछ ।  

आजै हुने दोस्रो खेलमा सुदूरपश्चिम रोयल्स र पोखरा एभेन्चर्सबीच प्रतिस्पर्धा हुनेछ । यी दुई टोली बीचको खेल त्रिवि क्रिकेट मैदान कीर्तिपुरमा दिउँसो १ बजे सुरु हुनेछ  । दुई खेल खेल्न बाँकी रहेको सुदूरपश्चिम लगभग प्लेअफमा पुगिसकेको छ ।

आज जित निकाल्न सके प्लेअफमा पुग्ने दोस्रो टोली बन्नेछ ।सोमबार हुने एक मात्र खेलमा सुदूरपश्चिम प्रदेशले कर्णाली याक्सको सामना गर्नेछ ।