काठमाडौँ :सुदूरपश्चिम रोयल्स नेपाल प्रिमियर लिग एनपिएल क्रिकेटको प्लेअफमा पुगेको छ ।

आज  भएको खेलमा पोखरा एभेन्चर्समाथि ५ रनको रोमाञ्चक जित निकाल्दै सुदूरपश्चिम एक खेल अगावै प्लेअफमा पुगेको हो । जितकालागि सुदूरपश्चिमले दिएको १५४ रनको लक्ष्य पछ्याएको पोखरा दुई बल बाँकी छँदै १४८ रनमा अलआउट हुन पुग्यो । उसकालागि आन्द्रस गोसले सर्वाधिक ३६ रन बनाए । रेमन रिफरले ३३,किरण ठगुन्नाले ३२,दिनेश खरेलले १५ तथा जेन मल्लिकले १० रन बनाएपनि अन्य खेलाडीले दोहारो अंकको रन बनाउन सकेनन् ।

बलिङतर्फ स्कट कुग्गेलिजनले सर्वाधिक ५ विकेट लिए । जितसंगै सुदूरपश्चिम १० अंक सहित शिर्ष स्थानमा उक्लिएको छ ।

त्यसअघि टस हारेर पहिले ब्याटिङमा तानिएको सुदूरपश्चिमले निर्धारित ओभरमा ७ विकेटको क्षतिमा १५३ रन बनाएको थियो । उसकालागि आरिफ शेखले नटआउट सर्वाधिक ४२ रनको योगदान गरे ।

ब्राण्डन म्याकुलमले २३ तथा कप्तान दिपेन्द्र सिं ऐरीले २० रन बनाए । बिनोद भण्डारीले १४ तथा इसान पाण्डेले १० रन जोडे । 

भोली हुने लिग चरणको अन्तिम खेलमा सुदूरपश्चिम प्रदेशले कर्णाली याक्सको सामना गर्नेछ ।