काठमाडौँ :नेपाल प्रिमियर लिगको फाईनल प्रवेशकालागि जनकपुर बोल्ट्सले सुदुरुपश्चिम रोयल्ससामु १४० रनको लक्ष्य प्रस्तुत गरेको छ ।

त्रिवि क्रिकेट मैदान किर्तिपुरमा टस जितेर सुरुवाती ब्याटिङ थालेको जनकपुरले निर्धारित ओभरमा ९ विकेट गुमाएर १३९ रन बनायो । उसकालागि जिमी नसिमले सर्वाधिक ४५ रनको योगदान गरे । २३ बलको सामना गरेका उनले ३ चौका र ३ छक्का प्रहार गरे । सुभ कंसाकारले २६ तथा लाहिरु मालिन्था र हर्ष ठाकरले समान १२-१२ रन जोडे ।

अरनिको यादवले ११ तथा मोहम्मद मोसिनले ३ रन जोडे । बलिङतर्फ दिपेन्द्र सिं ऐरीले सर्वाधिक ३ विकेट लिए । सईब जैफले २ विकेट हात पारे । अबिनाश बोहरा र स्कट कुगेलीयनले एक-एक विकेट हात पारे । 

बिजेता टोली सिधै फाईनलमा पुग्नेछ भने पराजित टोलीले दोस्रो क्वालीफायरका लागि कर्णाली याक्ससंग खेल्नुपर्नेछ । आजै भएको एलिमीनेटरमा चितवन राइनोजलाई २१ रन हराउँदै कर्णालीले फाईनल सम्भावना बलियो बनाएको हो ।

जितकालागि कणौली दिएको १७६ रनको लक्ष्य पछ्याएको चितवनले  ९ विकेट गुमाएर १५५ रन बनाएको थियो। । हारसंगै चितवन प्रतियोगिताबाट बाहिरिउको छ ।