काठमाडौँ :सुदुरपश्चिम रोयल्स नेपाल प्रिमियर लिगको फाईनल प्रवेश गरेको छ ।

आज भएको क्वालीफायरमा जनकपुर बोल्ट्सलाई ८ विकेटले हराउँदै सुदूरपश्चिमले फाईनलमा स्थान सुरक्षित गरेको हो । जनकपुरले दिएको १४० रनको लक्ष्य सुदरपश्चिमले १८.३ ओभरमा मात्र दुई विकेट गुमाएर भेट्टायो । सुदुरको जितमा बिनोद भण्डारीले बिस्फोटक ब्याटिङ गर्दै अबिजित ५८ रन जोडे । सईफ जैवले ३२,ब्राण्डम म्याकुलनले २५ तथा दिपेन्द्र सिं ऐरीले २० रन जोडे ।

त्यसअअघि टस जितेर सुरुवाती ब्याटिङ थालेको जनकपुरले निर्धारित ओभरमा ९ विकेट गुमाएर १३९ रन बनायो । उसकालागि जिमी नसिमले सर्वाधिक ४५ रनको योगदान गरे । २३ बलको सामना गरेका उनले ३ चौका र ३ छक्का प्रहार गरे । सुभ कंसाकारले २६ तथा लाहिरु मालिन्था र हर्ष ठाकरले समान १२-१२ रन जोडे । अरनिको यादवले ११ तथा मोहम्मद मोसिनले ३ रन जोडे ।

बलिङतर्फ दिपेन्द्र सिं ऐरीले सर्वाधिक ३ विकेट लिए । सईब जैफले २ विकेट हात पारे । अबिनाश बोहरा र स्कट कुगेलीयनले एक-एक विकेट हात पारे । पराजित जनकपुरले  दोस्रो क्वालीफायरका लागि कर्णाली याक्ससंग खेल्नुपर्नेछ ।