काठमाडौँ :यु–१९ एसिया कप महिला क्रिकेटमा नेपालले आज श्रीलङ्कासँग प्रतिस्पर्धा गर्दैछ ।  

यी दुई टोली बीचको खेल मलेसियाको क्वालालामपुरस्थित बायोमास ओभलमा  बिहान ११:४५ मा सुरु हुनेछ । समूह 'ए'मा अपराजित रहँदै  नेपाल सुपर फोरमा पुगेको हो ।  

पहिलो खेलमा पाकिस्तान विरुद्ध ऐतिहासिक जित निकालेको नेपालले दोस्रो खेलमा  भारतसँग खेलेको थियो  । वर्षाका कारण खेल प्रभावित भएपछि भारत र नेपाल बीचको खेल नतिजा  विहीन बनेको थियो ।

खेल रद्द हुँदा दुबै टोलीले एकएक अङ्क बाँडेका थिए ।  समूह 'ए'बाट नेपाल र भारत सुपर फोरमा पुग्दा  पाकिस्तान भने समूह चरणबाटै बाहिरिएको छ