काठमाडौँ :नेपाल प्रिमियर लिग एनपीएल क्रिकेटको फाइनल प्रवेशका लागि कर्णाली याक्सले जनकपुर बोल्ड्ससामु  ११९ रनको लक्ष्य प्रस्तुत गरेको छ ।

 त्रिवी क्रिकेट मैदान कीर्तिपुरमा टस हारेर पहिले ब्याटिङमा तानिएको कर्णालीले निर्धारित ओभरमा नौ विकेट गुमाउँदै ११८ रन बनाएको हो । कर्णाली एक्सका लागि  गुल्सन झाले सर्वाधिक २५ रनको योगदान गरे। यस्तै देव खनालले २४ रन जोडे । विलियम वशिस्टोले १४ , युनिश ठकुरी र जिसन मक्सदले १२ तथा चाडविक वील्टनले ११ रन जोडे पनि अन्य कुनै पनि ब्याटरले दोहारो अंकको रन बनाउन सकेनन् ।

बलिङतर्फ मोहम्मद मोसिन,जीमी नसीम र ललित राजवंशीले दुई दुई विकेट लिए ।