काठमाडौँ :टेस्ट बलिङ वरियतामा भारतीय तीब्र गतिका बलर जसप्रित बुमराहले रविचन्द्रन अश्विनको कीर्तिमान बराबरी गरेका छन् ।

अन्तराष्ट्रिय क्रिकेट परिषद आईसीसीका अनुसार बुमराहले आईसीसी टेस्ट बलिङ वरीयतामा ९०४ रेटिङ अंक प्राप्त गरेका हुन् । उनी सर्वाधिक रेटिङ पाउने दोस्रो भारतीय खेलाडी समेत बनेका छन् । उनले रविचन्द्रन अश्विनको कीर्तिमान बराबरी गरेका छन् । अश्विनले डिसेम्बर २०१६ मा यति धेरै रेटिङ अंक पाएका थिए ।

लगातार उत्कृष्ट प्रदर्शन गर्दै ट्राभिस हेड आईसीसी पुरुष टेस्ट ब्याटिङ वरीयताको शीर्ष ४ मा पुगेका छन् । बोर्डर–गावस्कर ट्रफीमा भारतविरुद्धको खेलमा उनले उत्कृष्ट प्रदर्शन गरेका थिए ।

भारतीय खेलाडी यशस्वी जैसवाललाई पछि पार्दै हेड चौथो स्थानमा पुगेका हुन् । यसअघि चौथो स्थानमा रहेका यशस्वी एक स्थान तल झर्दै पाँचौ स्थानमा आईपुगेका छन् । इंग्ल्याण्डका जो रुट टेस्ट ब्याटिङको शीर्ष स्थानमा छन् ।