काठमाडौँ :श्रीलंकाविरुद्धको टि–२० क्रिकेटमा न्यूजल्याण्ड विजयी भएको छ ।

शनिवार भएको पहिलो श्रीलंकालार्ई ८ रनले हराउँदै न्यूजल्याण्डले बिजयी सुरुवात गरेको हो । जितकालागि न्यूजल्याण्डले दिएको १७३ रनको लक्ष्य पछ्याएको श्रीलंकाले निर्धारित ओभरमा ८ विकेट गुमाएर १६४ रन मात्रै बनाउन सक्यो । उसकालागि पाथुम निशान्काले सर्वाधिक ९० तथा कुशल मेण्डिसले ४६ रन जोडेपनि अन्य कुनैपनि ब्याटरले दोहोरो अंकको रन बनाउन सकेनन् ।

कुशल परेरा र कामिन्दु मेन्डिसले खाता नै खोल्न सकेनन् । त्यसअघि टस हारेर पहिले ब्याटिङ गरेको न्युजिल्याण्डले निर्धारित ओभरमा ८ विकेट गुमाएर १७२ रन बनाएको थियो ।

जितसंगै न्यूजल्याण्डले तीन खेलको श्रृखंलामा १–० को अग्रता बनाएको छ । न्यूजल्याण्ड भ्रमणमा रहेको श्रीलंकाले  त्यहा रहँदा तीन ओटा टी–२० र ३ ओटा एक दिवशीय सिरिज खेल्नेछ ।