काठमाडौँ : यू १८ ललित स्मृति लिग फुटबलमा न्युरोड टिम एनआरटी उपविजेता बनेको छ ।

आज भएको खेलमा यसअघिनै विजेता बनिसकेको नेपाल पुलिस क्बललाई पराजित गर्दै एनआरटीले दोस्रो स्थानमा रहँदै लिगको अन्त्य गरेको हो । सातदोबाटोस्थित एन्फा कम्प्लेक्सको मैदानमा भएको लिगको अन्तिम खेलमा पुलिस क्लबलाई २–१ ले पराजित गर्दै एनआरटी दोस्रो स्थान हात पार्न सफल भएको हो ।

आजै भएको अर्को खेलमा सशस्त्र प्रहरीको एपीएफ क्लबलाई ३–१ ले पराजित गर्दै संकटा क्लबले तेस्रो स्थान पक्का गरेको छ । थ्रीस्टार क्लब चौथो हुँदा मछिन्द्र क्लबले पाँचौमा स्थान बनाएको छ ।