काठमाडौँ :विभागिय टोली नेपाल पुलिस क्लबलले मदन भण्डारी गोल्डकप इन्डो–नेपाल पुरुष भलिबल च्याम्पियनसिप–२०८१” मा विजयी सुरुवात गरेको छ ।

बुटवल उपमहानगरपालिका वडा नं. १० स्थित रामनगर खेल मैदानमा आज भएको उद्घाटन खेलमा आयोजक मदन भण्डारी एकेडेमीलाई ३–१ को सेटमा हराउँदै पुलिसले विजयी सुरुवात गरेको हो । पुलिसले आयोजक विरुद्ध २५–२२, २५–२०, ३२–३४ र २५–१८ ले पराजित गरेको हो । प्रतियोगितामस भोली ३ खेलहरु हुनेछन् ।

पहिलो खेलमा त्रिभुवन आर्मीले भारतको गुजरात प्रदेश भलिवल एशोसियसनसंग प्रतिस्पर्धा गर्नेछ । दोस्रो खेलमा रुकुम पश्चिम भलिबल प्रशिक्षण केन्द्र र मणिमुकुन्द भलिबल क्लब तथा तेस्रो खेलमा एपिएफ क्लब र गल्कोट भलिवल क्लबबिच प्रतिस्पर्धा हुनेछ ।

पुस २४ गतेसम्म सञ्चालन हुने प्रतियोगितामा नेपाल र भारतका ८ टिमको सहभागिता रहेको छ ।