काठमाडौँ :एन्फा महिला फुटबल अन्तर्गत लिग चरणका अन्तिम खेलहरु आजबाट सुरु हुने भएको छ ।

अखिल नेपाल फुटबल संघ(एन्फा)को आयोजनामा सुरु हुन लागेको  लिगमा ५ टोलीले प्रतिस्पर्धा गर्नेछन् । सातदोबाटो स्थित एन्फा कम्प्लेक्समा आज दिउँसो ३ बजे हुने उद्घाटन खेलमा त्रिभुवन आर्मी क्लब र बागमती युथ क्लबबीच प्रतिस्पर्धा हुने एन्फाले जनाएको छ । गत भदौमा भएको दोस्रो चरणको लिगमा सहभागी दश टोलीबाट शीर्ष ५ टोली अन्तिम चरणमा पुगेका हुन् ।

अन्तिम चरणका लागि छनोट भएको कोशी प्रदेशले आर्थिक कारण देखाउँदै प्रतियोगिताबाट नाम फिर्ता लिएपछि बागमती युथ क्लबले अन्तिम चरण खेल्ने अवसर पाएको हो । प्रतियोगितामा बिभागिय तीन टोली नेपाल पुलिस, नेपाल एपिएफ क्लब र त्रिभुवन आर्मी क्लबसंगै वालिङ नगरपालिका र बागमती युथ क्लब सहभागि छन् ।

माघ १६ गतेसम्म चल्ने अन्तिम चरणको लिगमा कूल २४ खेलहरु हुनेछन् ।