काठमाडौँ :मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिपमा सशस्त्र प्रहरीको एपिएफले विजयी सुरुवात गरेको छ ।

बुटवल उपमहानगरपालिका वडा नं. १० स्थित रामनगर कोर्टमा आज भएको खेलमा गल्कोट भलिबल क्लबलाई ३–२ को सेटमा हराउँदै एपिएफले संघर्षपूर्ण जित निकालेको हो । एपिएफले पहिलो र दोस्रो सेट २५–१५ र २५–२२ को सहज जित निकालेपनि तेस्रो र चौथो सेट २५–२२ र ३३–३१ ले गुमाउन पुग्यो ।

निकै बिबादित बनेको अन्तिम तथा पाँचौ सेटमा एपिएफले २०–१८ को संघर्षपूर्ण जित निकालेको थियो । यो खेल झण्डै तीन घण्टा चलेको थियो ।