काठमाडौँ :मदन भण्डारी गोल्डकप इन्डो नेपाल रनिङ शिल्ड पुरुष भलिबल च्याम्पियनसिपमा सशस्त्र प्रहरीको एपिएफ भारतीय टोलीसंग पराजित भएको छ  ।

बुटवल उपमहानगरपालिका वडा नं. १० स्थित रामनगर कोर्टमा आज भएको खेलमा एपिएफ भारतको गुजरात प्रदेश भलिवल एसोसिएसनसंग ३–१ सेटमा पराजित भएको हो । पहिलो सेट एपिएफले जितेपनि त्यसपछिका तीन सेट लगातार गुमाएपछि गुजरातले जित निकालेको हो । एपिएफले पहिलो सेट २५–२१ ले जितेको थियो । त्यसपछि उत्कृष्ठ पुनरागमन गरेको गुजरातले एपिएफलाई २५–१८,२५–१५ र २५–१८ को सशक्त जित निकाल्यो ।

भारतीय टोलीसंग निरिह बनेको एपिएफले कतिपय सर्भिस समेत रिसिभ गर्न सकेन ।मदन भण्डारी एकेडेमीको १६औँ स्थापना दिवसको अवसरमा उक्त प्रतियोगिताको आयोजना गरिएको हो ।

प्रतियोगितामा तीन ओटा विभागिय टोलीसहित आठ टोलीले पसहभागिता जनाउनेछन् । प्रतियोगितामा नेपाल पुलिस क्लब, एपिएफ क्लब र नेपाल त्रिभुवन आर्मी सहित भारतको गुजरात प्रदेश भलिवल एसोसिएसन,मणिमुकुन्द भलिवल क्लब, रुकुम पश्चिम भलिबल प्रशिक्षण केन्द्र, गल्कोट भलिबल क्लबले खेल्नेछ । विजेताले ७ लाख ५० हजार रुपैयाँ पुरस्कार पाउनेछन् ।दोस्रो हुनेले ३ लाख ५० हजार, तेस्रोले १ लाख ७५ हजार तथा चौथो हुने टोलीले १ लाख रुपैयाँ प्राप्त गर्ने आयोजकले जनाएको छ ।