काठमाडौँ :एपिएफकी रश्मी कुमारी घिसिङले ह्याट्रिक गोल गरेपछि एन्फा महिला राष्ट्रिय लिग फुटबलमा बागमती युथ क्लबले फराकिलो हार ब्यहोरेको छ ।

एन्फा कम्प्लेक्स सातदोबाटोमा आज भएको खेलमा बागमती बिभिागिय टोली एपिएफ क्लबसंग ५–१ गोलले पराजित भएको हो । एपिएफको जितमा रश्मी कुमारी घिसिङले ह्याट्रिक गोल गरिन् । सबिता रानामगर र अनिता केसीले एक-एक गोल गरिन् । बागमतीकालागि पुष्पकुमारी खड्काले एक गोल फर्काईन् । पहिलो खेलमा बागमती आर्मीसंग दुई शुन्यले पराजित भएको थियो

। प्रतियोगितामा बिभागिय तीन टोली नेपाल पुलिस, नेपाल एपिएफ क्लब र त्रिभुवन आर्मी क्लबसंगै वालिङ नगरपालिका र बागमती युथ क्लब सहभागि छन् । माघ १६ गतेसम्म चल्ने अन्तिम चरणको लिगमा कूल २४ खेलहरु हुनेछन् ।

२० खेलहरुपछि प्लेअफका खेलहरु हुने एन्फाले जनाएको छ ।