नवलपुर :सिन्धुपाल्चोकको पाँच पोखरीमा दोस्रो राम बहादुर तामाङ स्मृती फुटबल प्रतियोगिता हुने भएको छ ।

सोनाम ल्होछारको अवसर पारेर न्यु जेनेरेसन अफ थाङपालकोटको आयोजनामा माघ १५ देखी १९ सम्म प्रतियोगिता हुन लागेको कार्यक्रम संयोजक तेन्जिङ लामा घ्योल्मोले जानकारी दिए ।

सह-आयोजकमा पाँचपोखरी थाङपाल गाउँपालिका ४ नं. वडा कार्यालय रहेको छ ।बिजेता टोलीले एक लाख र उपबिजेताले ५० हजार नगद सहित ट्रफी, मेडल, प्रमाण–पत्र पाउने संयोजक लामाले जानकारी दिए ।प्रतियोगितामा सहभागी हुन चाहनेले टिम दर्ता बापत् १० हजार शुल्क बुझाउनुपर्नेछ ।

प्रतियोगिताका उत्कृष्ठ गोल रक्षक,उत्कृष्ठ डिफेन्स,उत्कृष्ठ मिडफिल्डर,उदयमान खेलाडी र सर्वाधिक गोलकर्तालाई बिषेश पुरस्कार दिईने आयोजकले जनाएको छ ।