काठमाडौँ :मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिपको सेमिफाइनल पुग्ने चार टोलीको टुंगो लागेको छ ।

समुह चरणका खेलहरु बाँकी छँदै सेमिफाईनल पुग्ने चार टोलीको टुंगो लागेको हो । आइतवार भएको खेलमा भारतको गुजरात भलिबल एसोसिएसनले गल्कोट भलिबल क्लबलाई ३–० को सोझो सेटमा हराउँदै सेमिफानल पुगेको हो । गुजरातले गलकोट विरुद्ध २५–१८, २५–१९ र २५–१६ को सहज जित निकाल्यो । हारसंगै गलकोट भने प्रतियोगिताबाट बाहिरिएको छ ।

आईतवार नै भएको खेलमा आयोजक मदन भण्डारी स्पोर्टस एकेडेमीलाई ३–२ बो सेटमा हराउँदै मणिमुकुन्द भलिबल क्लबले पनि सेमिफाइनलमा स्थान सुरक्षित गरेको छ ।

समूह ‘ए’ बाट नेपाल पुलिस क्लब र मणिमुकुन्द सेमिफाइन्ल पुग्दा समूह ‘बी’ बाट त्रिभुवन आर्मी क्लब र भारतको गुजरातले पनि सेमिफाईनलमा स्थान पक्का गरेको छ ।