काठमाडौँ :बिभाागिय टाेली त्रिभुवन आर्मी मदन भण्डारी गोल्डकप इन्डो–नेपाल रनिङ शिल्ड पुरुष भलिबलको फाइनलमा प्रवेश गरेको छ ।

बुटवल उपमहानगरपालिका १० स्थित रामनगर खेल मैदानमा आज भएको दोस्रो सेमिफाइनलमा मनिमुकुन्द क्लबलाई ३–० को सोझो सेटमा हराउँदै आर्मीले फाईनलमा स्थान बनाएको हो । आर्मीले मनिमुकुन्दमाथि २५–१८, २५–१३ र २५–१९ को सहज जित निकाल्यो । उपाधिकालागि अब आर्मीले अर्को बिभागिय टोली नेपाल पुलिस क्लबसंग प्रतिस्पर्धा गर्नेछ ।

मंगलबार भएको पहिलो सेमिफाइनलमा गुजरात स्टेटलाई ३–१ को सेटमा हराउँदै पुलिस फाईनलमा पुगिसकेको छ । विजेताले ७ लाख ५० हजार रुपैयाँ पुरस्कार पाउनेछन् ।

दोस्रो हुनेले ३ लाख ५० हजार, तेस्रोले १ लाख ७५ हजार तथा चौथो हुने टोलीले १ लाख रुपैयाँ प्राप्त गर्ने आयोजकले जनाएको छ ।