काठमाडौँ :मदन भण्डारी गोल्डकप इन्डो–नेपाल रनिङ शिल्ड पुरुष भलिबलको उपाधिको छिनोफानो हुँदैछ ।

बुटवल उपमहानगरपालिका १० स्थित रामनगर खेल मैदानमा आज दिउँसो १ बजे हुने फाईनलमा नेपाल पुलिस र अर्को बिभागिय टोली त्रिभुवन आर्मीबीच प्रतिस्पर्धा हुने भएको हो ।

दोस्रो सेमिफाईनलमा मनिमुकुन्द क्लबलाई ३–० को सोझो सेटमा हराउँदै आर्मीले फाईनलमा स्थान बनाएको हो भने गुजरात स्टेटलाई ३–१ को सेटमा हराउँदै पुलिस फाईनलमा पुगेको हो ।

विजेताले ७ लाख ५० हजार रुपैयाँ पुरस्कार पाउनेछन् ।दोस्रो हुनेले ३ लाख ५० हजार, तेस्रोले १ लाख ७५ हजार तथा चौथो हुने टोलीले १ लाख रुपैयाँ प्राप्त गर्ने आयोजकले जनाएको छ ।