काठमाडौँ : इण्डियन प्रिमियर लिग (आईपीएल) क्रिकेटको १८ औँ सस्करण २०२५ को खेल तालिका परिवर्तन भएको छ ।

प्रतियोगिता  मार्च २१ बाट सुरु हुने छ । यसअघि उक्त प्रतियोगिता १४ मार्चमा सुरु हुने तालिका थियो । भारतीय क्रिकेट नियन्त्रण बोर्डका उपाध्यक्ष राजीव शुक्लाले फाइनल खेलको मिति र स्थानको बारेमा पनि जानकारी दिएका छन् ।

प्रतियोगिताको उद्घाटन र फाइनल खेल कोलकत्तामा खेलाईनेछ । फाइनल खेल मे २५ मा खेलिनेछ । हैदराबादको राजीव गान्धी रंगशालाले ठूलो अवसर पाउने भएको छ । पहिलो दुई क्वार्टर फाइनल खेलहरू यहाँ खेलाइनेछन् ।

यस पटकको फाइनल खेल इडेन गार्डेनमा हुनेछ । प्लेअफका खेलहरु पनि यहि मैदानमा खेलाईनेछ ।  भारतीय क्रिकेट नियन्त्रण बोर्डले यस सम्बन्धमा चाँडै बैठक गर्ने जनाएको छ । यस पटक प्रतियोगिताको लागि चार स्थानहरू छनोट गरिनेछ । मुम्बई, लखनऊ, बैंगलोर र वडोदरामा आएपिएल खेलाईन सकिने छ ।

यद्यपि, अहिलेसम्म प्रतियोगिताको मितिको बारेमा आधिकारिक कुनै अपडेट प्राप्त भएको छैन ।

भारतीय सञ्चारमाध्यमहरुका अनुसार च्याम्पियन्स ट्रफीका कारण आईपिएल प्रतियोगिता ढिलो हुने भएको हो ।