काठमाडौँ :एन्फा लिग महिला फुटबलमा आज बागमती युथ क्लब र विभागीय टोली त्रिभुवन आर्मीबीच प्रतिस्पर्धा हुने भएको छ ।

यी दुई टोलीबीचको खेल सातदोबाटो स्थित एन्फा कम्प्लेक्समा सुरु हुनेछ । महिला लिगको अन्तिम चरणका खेल जारी रहँदा बागमतीले आफ्ना ४ मध्ये एक खेलमा जित निकाल्दै ३ अंक जोडेको हो । आर्मी भने आफ्ना ४ खेलमध्ये २ मा जित र एकमा बराबरी र एकमा हारको नतिजा निकाल्दै ७ अंक जोडेको छ ।

तालिकामा एपीएफ सबै ४ खेलमा जित निकाल्दै १२ अंकसहित शीर्ष स्थानमा रहँदा समान ७ अंक सहित आर्मी र पुलिस दोस्रो र तेस्रो स्थानमा छन् ।