काठमाडौँ :आइसिसी यु–१९ महिला टी–२० विश्वकपको दोस्रो अभ्यास खेलमा पनि नेपाल पराजित भएको छ ।

यसअघि भएको पहिलो अभ्यास खेलमा वेष्टइण्डिजसंग ९ रनले पराजित नेपाली टोली आज भएको दोस्रो अभ्यासमा अमेरिकासंग पाँच विकेटले पराजित भएको हो । जितकालागि नेपालले दिएको ५९ रनको सामान्य लक्ष्य अमेरिकाले १४ ओभरमा पाँच विकेट गुमाउँदै पूरा गर्यो  । उसकालागि इसानी वाघेलाले २४ र पूजा शाहले १० रन बनाए ।

नेपालका लागि रिया शर्माले तीन र कप्तान पूजा महतोले एक विकेट लिए ।त्यसअघि टस हारेर पहिले ब्याटिङको निम्तो पाएको नेपालले निर्धारित २० ओभरमा ९ विकेट गुमाउँदै ५८ रन मात्रै बनाउन सक्यो ।

नेपालका लागि साना प्रविनले १२ तथा पूजा महतोले १० रन बनाउनुबाहेक अन्य कुनै ब्याटरले दोहोरो अंकको रन जोड्न सकेनन् ।