काठमाडौँ : प्रधानमन्त्री कप महिला राष्ट्रिय क्रिकेटमा बागमती प्रदेशले मद्येश प्रदेशलाई हराएको छ ।

आज भएको दोस्रो खेलमा मद्येश प्रदेशलाई ७ विकेटले हराउँदै बागमतीले दोस्रो जित निकालेको हो । जितकालागि मद्येशले दिएको ४१ रनको झिनो लक्ष्य बागमतीले ६.४ ओभरमा ३ विकेटको क्षतिमा भेट्टायो । बागमतीको जितमा यशु पाण्डेले सर्वाधिक १९ रन बनाए । कञ्चन श्रेष्ठले ९ तथा बिपाशा शाहीले ८ रन जोडिन् ।

त्यसअघि फाप्ला अन्तराष्ट्रिय क्रिकेट मैदान धनगढीमा टस हारेर पहिले ब्याटिङमा तानिएको मद्येश १५.५ ओभरमा ४० रनमा अलआउट भयो । मद्येशका कुनैपनि खेलाडीले दोहोरो अंकको रन बटुल्न सकेनन् । मद्येशलाई सस्तैमा समेटेने क्रममा कञ्चन श्रेष्ठले सर्वाधिक ४ विकेट लिईन् । प्रतियोगितामा २ विभागीय र ७ प्रदेशको टोलीले प्रतिस्पर्धा गरिरहेका छन् ।

सहभागी टोलीलाई दुई समूहमा विभाजन गरिएको छ ।