काठमाडौँ : एन्फा महिला राष्ट्रिय लिग फुटबलमा एपिएफले अर्को बिभिागिय टोली त्रिभुवन आर्मीलाई पराजित गरेको छ ।

सातदोबाटो स्थित एन्फा कम्प्लेक्समा आज भएको खेलमा एपिएफले आर्मी विरुद्ध २–१ को जित निकालेको हो । एपिएफको जितमा रश्मी कुमारी घिसिङ र अनिता बस्नेतले गोल गरिन् । आर्मीकालागि अमिशा कार्कीले सान्त्वना गोल फर्काइन् ।

पहिलो हाफमा एपिएफले आर्मीलाई दबाबमा राखेको थियो । खेलको २३ औँ मिनेटमा रश्मीले गोल गर्दै एपिएफलाई अग्रता दिलाएकी थिईन् । ३८ औँ मिनेटमा अनिताले एपिएफकालागि अर्को गोल गरिन् ।

दोस्रो हाफमा एपिएफको तुलनामा बलियो प्रदर्शन गरेको आर्मीले खेलमा आफ्नो पकट जमाएको थियो । ८३ औँ मिनेटमा अमिशाले आर्मीकालागि सान्त्वना गोल फर्काएकी थिईन् ।