काठमाडौँ : किलियन एमबाप्पेले ह्याट्रिक गोल गरेपछि  स्पेनिस ला लिगा फुटबलमा रियाल मड्रिडले रियाल भालाडोलिडलाई पराजित गरेको छ ।

जोसे जोरिला रंगशालामा शनिवार राती भएको खेलमा मड्रिडले भालाडोलिडविरुद्ध ३–० को सहज जित निकालेको हो । खेलको ३० औँं मिनेटमा एमबाप्पेले पहिलो गोल गर्दै मड्रिडलाई अग्रता दिलाएका थिए । ५७ औं मिनेटमा उनले दोस्रो गोल गर्दै अग्रता दोब्बर बनाए । इन्जुरी समयमा पाएको पेनाल्टी मार्फत तेस्रो गोल गर्दै एमबाप्पेले ह्याट्रिक पूरा गरेका हुन् ।

दोहोरो पहेंलो कार्ड बेहोर्दै मारियो मार्टिनले मैदान छाडेपछि भालाडोलिड १० खेलाडीमा समेटिएको थियो ।