काठमाडौँ :आयोजक नेपाल लोकतान्त्रिक खेलकुद संघ बागमती प्रदेश सभापति कप फुटबलको फाइनलमा प्रवेश गरेको छ ।

त्रिपुरेश्वरस्थित दशरथरंगाशालामा मंगलवार भएको सेमिफाइनलमा एनआरटीलाई टाईब्रेकरमा  ४–२ गोल अन्तरले पराजित गर्दै बागमती फाइनलमा पुगेको हो । निर्धारित ९० मिनेटको खेल २–२  गोलको बराबरीमा सकिएपछि खेलको नतिजा टाईब्रेकरबाट लिएको थियो   । बागमतीले अब उपाधिका लागि  संकटा क्लबसँग प्रतिस्पर्धा गर्नेछ ।

प्रतियोगिता अन्तर्गत सेमिफाइनलको पहिलो खेलमा संकटाले मछिन्द्र फुटबल क्लबलाई सडन डेथमा ८–७ गोल अन्तरले पराजित गर्दै फाइनलमा स्थान बनाएको थियो ।