सोसल मिडिया
हाम्रो बारेमा
प्रयोगका सर्त
काठमाडौँ :'ए' डिभिजन लिग च्याम्यिन चर्च ब्वाइजलाई स्तब्ध पार्दै न्यूरोड टिम एनआरटीले २५ औँ बुढासुब्बा गोल्डकप फुटबलको उपाधि हात पारेको छ ।
एक शुन्यले पछि परेको नतिजालाई उल्टाउँदै एनआरटीले पुनरागमन जित निकालेको हो । आज भएको फाइनलमा चर्च ब्वाइजलाई २–१ गोलले पाखा लगाउँदै एनआरटीले तेस्रो पटक उपाधिको रक्षा गरेको हो ।
अनन्त तमाङको गोलबाट चर्च ब्वाईजले सुरुवाती अग्रता लिएपनि धेरैबेर अग्रता जोगाउन सकेन । अनन्तले खेलको २२ औँ मिनेटमा गोल गरेका थिए ।
तर त्यसको चार मिनेटपछि २६ औँ मिनेटमा एनआरटी हेनरी एडुसेट पोकोले गोल गर्दै खेललाई १–१ को बराबरीमा पुर्याएका थिए । ५८ औँ मिनेटमा पोकोले ब्यक्तिगत दोस्रो गोल गर्दै एनआरटीलाई उपाधि दिलाए ।
उपाधिसंगै एनआरटीले नगद १० लाख सहित ट्रफि हात पारेको छ । एनआरटीले यसअघि २०६४ र २०८० मा उपाधि जितेको थियो ।