काठमाडौँ :अन्तर्राष्ट्रिय क्रिकेट परिषद् (आईसीसी) ले  बंगलादेशकी स्पिनर शोहाली अख्तरलाई ५ वर्षको प्रतिबन्ध लगाएको छ ।

सन् २०२३ को महिला टी–२० विश्वकपमा म्याच फिक्सिङमा दोषी पाईएपछि आईसीसीले उनीमाथि प्रतिबन्ध लगाएको हो । भ्रष्टाचारका कारण प्रतिबन्धित हुने शोहाली पहिलो महिला क्रिकेटर बनेकी छन् ।  

अख्तरले आईसीसीको धारा २.१.१, २.१.३, २.१.४, २.४.४ र २.४.७ को उल्लङ्घन गरेको पाईएको छ ।  शोहालीले म्याच फिक्सिङमा आफ्नो संलग्नता स्वीकार गरेकी छन् । उनको प्रतिबन्ध फेब्रुअरी १०, २०२५ देखि  फेब्रुअरी २०३० सम्म रहनेछ ।

आईसीसीका अनुसार, ’१४ फेब्रुअरी २०२३ मा अष्ट्रेलिया विरुद्धको खेल अघि शोहलीले साथी खेलाडीहरूलाई पनि म्याच फिक्सिङकालागि  उक्साएको आरोप छ ।

बंगलादेशको अर्को खेल फिक्स गर्न उक्साउँदै साथी खेलाडीहरूलाई उनले भ्वाइस म्यासेज पठाएकी थिइन् ।