सोसल मिडिया
हाम्रो बारेमा
प्रयोगका सर्त
काठमाडौँ : फोर नेशन्स महिला च्याम्पियनसिप फुटबल आजबाट सुरु हुदैँछ ।
त्रिपुरेश्वरस्थित दशरथ रंगशालामा दिउँसो २ बजे हुने उद्धघाटन खेलमा म्यानमार र लेबनानबीच प्रतिस्पर्धा हुनेछ । आज साँझ ६ बजे हुने अर्को खेलमा नेपालले किर्गिस्तानको सामाना गर्नेछ । आजको खेलमा स्ट्राइकर साबित्रा भण्डारी 'साम्बा'भने नेपाली टोलीसँग उपलब्ध हुने छैनन् ।
फ्रान्सबाट उनी आजनै नेपाल फर्कने भएकाले साम्बालाई बिश्राम दिईने राष्ट्रिय महिला टोलीका मुख्य प्रशिक्षक राजेन्द्र तमाङले बताए । खेल अघिको प्रि–म्याच कन्फेरेन्समा बोल्दै तामाङले च्याम्पियनसिपका लागि नेपाली टोली तयार अबस्थामा रहेको पनि बताएका छन् ।
प्रतिद्वन्द्वी किर्गिस्तान बलियो रहे पनि निश्चित योजना बनाएर उत्रने योजना तामाङको छ । चार देश सम्मिलित प्रतियोगितामा घरेलु टोेली नेपालसंगै म्यानमार, लेबनान र किर्गिस्तान सहभागि छन् ।
प्रतियोगितामा भाग लिन सवै टोली नेपाल आईसकेका छन् । उनीहरुले आइतबारदेखि अभ्यास समेत थालेका छन् । राउण्ड रोबिनका आधारमा हुने प्रतियोगिताका शीर्ष दुई टोलीले फाइनल खेल्नेछन् ।
प्रतियोगिताका लागि टिकट दर साधारण प्यारापिटतर्फ पाँच सय रूपैयाँ र भिआइपीतर्फ एक हजार रूपैयाँ तोकिएको अखिल नेपाल फुटबल संघ एन्फाले जनाएको छ ।
