सोसल मिडिया
हाम्रो बारेमा
प्रयोगका सर्त
काठमाडौँ : नवौं एसियाली पारा तेक्वान्दो च्याम्पियनसीप जी – ४ मा सहभागी हुने नेपाली टोलीलाई बिदाई गरिएको छ । राष्ट्रिय खेलकुद परिषद्का सदस्यसचिव टंकलाल घिसिङले प्रतियोगितामा सहभागीहुने ३ खेलाडीसहित ४ सदस्यीय नेपाली टोलीलाई बिहीवार एक कार्यक्रमकाबीच बिदाई गरेका हुन् ।
भियतनामको दनाङमा यही जेठ ६ गते नवौं एसियाली पारा तेक्वान्दो च्याम्पीयनसीप हुँदैछ ।
३१ राष्ट्रका खेलाडी सहभागी हुने प्रतियोगितामा नेपालको तर्फबाट पलेशा गोवर्धनले महिला ५७ केजीमुनि, भरतसिंह महताले पुरुष ५८ केजीमुनि र अमिर भ्लोनले पुरुष ६३ केजीमुनि तौलसमूहमा प्रतिस्पर्धा गर्ने छन् ।
प्रशिक्षकमा कविराज नेगी लामा रहेका छन् । टोली शुक्रवार भियतनाम जाने तालिका रहेको छ ।
