सोसल मिडिया
हाम्रो बारेमा
प्रयोगका सर्त
नवलपुर : जिल्ला स्तरीय प्रथम पाँचपोखरीकप फुटबल प्रतियोगिताको सेमिफाइनल समीकरण पूरा भएको छ ।
अब फाइनल प्रवेशकालागि आयोजक पाँचपोखरी थाङ्पालगाउँपालिका र चौतारा साँगाचोकगढी नगरपालिका तथा सुनकोशी गाउँपालिका र इन्द्रावती गाउँपालिका बीच प्रतिस्पर्धा हुनेछ । सुनकोशी गाउँपालिका आइतवार भएको समूहचरणको अन्तिम खेलमा हेलम्बु गाउँपालिका सँग १–१ गोलको बराबरी खेल्दै सेमिफाइनलमा स्थान बनाएको हो । इन्द्रावती गाउँपालिका बाह्रविसे नगरपालिकालाई १–० गोल अन्तरले पराजित गर्दै सेमिफाइनलमा पुगेको हो ।
पाँचपोखरी थाङ्पालगाउँपालिका पनि भोटेकोशी गाउँपालिकालाई १–० ले पछि पार्दै सेमीफाइनल यात्रा तय गरेको हो ।
चौतारासँग साँगाचोकगढी नगरपालिका भने शनिवारनै मेलम्चीलाई पराजित गर्दै फाइनल सेमिफाइनल प्रवेश गरिसकेको टोली हो । पाँचपोखरी थाङ्पालगाउँपालिकाको आयोजना र जिल्ला फुटबल संघको प्राबिधिक सहयोगमा वडा नम्बर ४ मा रहेको पेमाथाङ्ग समानता खेलकुद मैदानमा जारी प्रतियोगितामा जिल्लाभरिका १० टोली सहभागी छन् ।
प्रतियोगिताको विजेताले १ लाख रुपैयाँ र उपविजेता हुने टोलीले ५० हजार नगदसहित विभिन्न पुरस्कार प्राप्त गर्ने आयोजकले जनाएको छ ।