काठमाडौँ :नेपालले आज सिंगापुरसँग मैत्रीपूर्ण अन्तर्राष्ट्रिय फुटबल खेल्दैछ ।

नयाँ प्रशिक्षक म्याट रसकोे यो पहिलो अन्तर्राष्ट्रिय खेल पनि भएकाले सिंगारपुर विरुद्दको खेललाई महत्वका साथ हेरिएको छ । खेल  नेपाली समयअनुसार साँझ सवा ६ बजे सिंगापुर नेसनल स्टेडियममा हुनेछ । नेपालले सिंगापुरविरुद्ध ३६ वर्ष पछि प्रतिस्पर्धा गर्न लागेको हो । विश्वकप छनोटअन्तर्गत सन् १९८९ मा नेपालले दुईपल्ट सिंगापुरको सामना गरेको थियो । त्यसमध्ये दक्षिण कोरियोको सोलमा भएको पहिलो खेलमा नेपाल ३–० र सिंगापुरमै भएको खेलमा ७–० गोलले पराजित भएको थियो ।

नेपाल र सिंगापुर अहिले एसिया कप छनोटको तयारीमा छन् । यसअघि एसिया कप छनोटको तेस्रो चरणमा सिंगापुर समूह ‘सी’ मा रहेको छ । टोलीको प्रतिद्वन्द्वीमा भारत, हङकङ र बंगलादेश छन् ।

नेपाल भने समूह ‘एफ’ मा छ । यो समूहमा रहेका अन्य टिममा भियतनाम, मलेसिया र लाआ
ेस छन् । नेपालले छनोटको आफ्नो पहिलो खेल आगामी मंगलबार मलेसियाविरुद्ध खेल्दैछ ।