काठमाडौँ :सिंगापुर विरुद्धको अन्तराष्ट्रिय मैत्रीपुर्ण फुटबलमा नेपालले ऐतिहासिक जित निकालेको छ ।
सिंगापुरको राष्ट्रिय रंगशालामा आजसाँझ भएको खेलमा नेपालले सिंगापुरलाई पहिलो पटक १–० ले पराजित गरेको हो । नेपालको जितमा खेलको १२ औँ मिनेटमा जिलेस्पींग कार्कीले गरेको गोल नै निर्णयक बन्यो । निर्धारित ९० र थपिएको अतिरिक्त ७ मिनेटमा दुबै टोलीबाट थप गोल सकेन । अन्तराष्ट्रिय फुटबलमा जिलेस्पीको यो दोस्रो गोल हो ।
गत नोभेम्बरमा उनले अफगानिस्तानविरुद्धको मैत्रीपूर्ण खेलमा गोल गरेका थिए । नेपाल र सिंगारपसरले १९८९ यता कुनै पनि प्रतियोगिता खेलेको छैन । १९८९ मा भएको खेलमा नेपाल सिंगापुरसँग ७–० ले पराजित भएको थियो ।
नेपालले एसियन कप छनोटअन्तर्गत समूह चरणको पहिलो खेलमा मलेसियासँग खेल्ने तालिका छ । यी दुई टोलीबीचको खेल यही चैत १२ मा मलेसियामा हुनेछ ।
प्रकाशित मिति: शुक्रबार, चैत ८, २०८१ २०:१४
प्रतिक्रिया दिनुहोस्
