काठमाडौँ :एएफसी एसिएन कप–२०२७ अन्तर्गत अन्तिम चरणको छनोट खेलमा मलेसिया विरुद्द नेपाल एक गोलले पछि परेको छ ।

मलेसियाको ब्राहिम सुल्तान स्टेडियममा जारी खेलमा नेपाल एक शुन्य गोलले पछि परेको हो ।  मलेसियाकालागि खेलको २९ औँ मिनेटमा हेक्टर भेवेलले गोल गर्दै १–० को अग्रता बनाएको हो ।

नेपालले सिंगापुरविरुद्धको खेलको पहिलो रोजाइमा रहेका अन्जन विष्टको ठाउँमा लकेन लिम्बुलाई खेलाएको छ ।  फिफा वरियता अनुसार नेपालभन्दा ४३ स्थान माथि रहेको मलेसियालाई पराजित गर्नु नेपाललाई त्यति सहज भने छैन ।

हालसम्म ७ पटक मलेसियाको सामना गरेको नेपालले ६ पटक पराजय भोगेको छ । सन् १९८५ मा विश्वकप छनोट अन्तर्गत नेपालले मलेसियालाई गोल रहित बराबरीमा रोकेको एउटा मात्रै रेकर्ड रहेको छ ।  

गत शुक्रवार भएको मैत्रीपूर्ण खेलमा नेपालले फिफा वरियतामा आफूभन्दा १५ स्थान माथिको सिङ्गापुरलाई हराएको थियो ।