सोसल मिडिया
हाम्रो बारेमा
प्रयोगका सर्त
विराटनगर : प्रदेश स्तरीय टि– २० क्रिकेट प्रतियोगितामा उदयपुर जिल्लाले विजयी सुरुवात गरेको छ ।
विराटनगर १९ स्थित वैजनाथपुर क्रिकेट मैदानमा मंगलबारदेखि सुरु भएको प्रतियोगिताको उदघाटन खेलमा इलामलाई २९ रनले हराउँदै उदयपुरले विजयी सुरुवात गरेको । जितसँगै उदयपुरले दुई अंक जोडेको छ । उदयपुरले दिएको ८६ रनको विजय लक्ष्य पछ्याएको इलामले १५.२ ओभरमा सवै विकेट गुमाउँदै ५६ रन मात्रै बनाउन सक्यो । उसकालागि श्याम यादवले सर्वाधिक १४ रन बनाए पनि अन्य ब्याटरले राम्राे प्रदर्शन गर्न सकेनन् ।
उदयपुरका तेज आचार्यले ४ ओभरमा ११ रन खर्चेर तीन विकेट लिए । सुशान्त तिम्सिनाले ४ ओभरमा १५ रन खर्चेर ३ विकेट लिए । खेलको प्लेयर अफ द म्याच उदयपुरका तेज आचार्य घोषित भए । उनले नगद २ हजार पाँच सय पाए ।
यसअघि टस हारेर ब्याटिङ थालेको उदयपुरले १९ ओभरमा सबै विकेट गुमाइ ८५ रन बनाएको थियो । उदयपुरका प्रभात किरण राईले सर्वाधित २२ रन बनाए । १९ बलमा उनले तीन चौका प्रहार गरे । निर्देश बस्नेतले २८ बलमा १५ रन पारी खेल्दा रिन्जन तिवराीले १६ बलमा १० रनको योगदान दिए । अरु ब्याटरले दोहोरो अंक बनाउन सकेनन । इलामका लभ कामतले सर्वाधिक ४ विकेट लिए । उनले ४ ओभरमा ९ रन खर्चिए । प्रजवल खत्रीले ४ ओभरमा १३ रन खर्चिएर ३ विकेट लिए । मिल्स क्रिकेट क्लब एन्ड एकेडेमीको आयोजना र प्रदेश खेलकुद विकास बोर्ड कोशी प्रदेशको संयोजनमा भएको प्रतियोगितामा ६ वटा जिल्लाको सहभागिता रहेको छ ।
प्रतियोगिताको बुधबार दुई खेल हुनेछ । पहिलो खेल मोरङ र उदयपुर जिल्ला हुनेछ । सोही दिन हुने दोस्रो खेल आयोजक मिल्स क्रिकेट क्लब एन्ड एकेडेमी र सुनसरीबीच हुने क्लबकी सचिव शान्ता जोशीले जानकारी दिइन् ।
कोशी प्रदेशमा क्रिकेट खेलको विकास र प्रवद्र्धन गर्ने उद्देश्यले आयोजना गरिएको प्रतियोगिताको उद्घाटन प्रदेश खेलकुद विकास बोर्डका सदस्य सचिव पर्शुराम बस्नेत (कृष्ण) ले गरे । चैत १६ गतेसम्म हुने प्रतियोगिताको विजेता हुने टिमलाई नगद १ लाख १ हजार रुपैयाँ र उपविजेता टिमलाई ५१ हजार रुपैयाँ पुरस्कार प्राप्त गर्नेछन् ।
म्यान अफ द श्रीरिज हुने खेलाडीलाई १५ हजार, ब्याट्स म्यान, बेस्ट बलरलाई जनही ११ हजार पुरस्कार दिईने आयोजकले जनाएको छ । दैनिक हुने खेलको म्यान अफ द म्याच खेलाडीले नगद २ हजार पाँच सय रुपैयाँ पाउनेछन् ।
