ADD FOR WEBSIDE ADD FOR WEBSIDE

यु–१९ साफ च्याम्पियनसिप: ४२ खेलाडी बन्द प्रशिक्षणलाई डाकियो

बिहीबार, चैत १४, २०८१

काठमाडौँ : यु–१९ साफ च्याम्पियनसिप फुटबलकालागि ४२ खेलाडीलाई बन्द प्रशिक्षणमा बोलाइएको छ ।

टोलीका मुख्य प्रशिक्षक उर्जन श्रेष्ठले आज छनोट चरणमा बोलाइएका ५८ मध्येबाट ४२ खेलाडीलाई समेटेर बन्द प्रशिक्षणमा बोलाएका हुन् । 
दक्षिण एसियाली फुटबल महासंघ (साफ) यु–१९ च्याम्पियनसिप मे ९ देखि १८ सम्म भारतको अरुणाञ्चल प्रदेशमा हुनेछ । समूह ‘बी’ मा रहेको नेपालले मे ११ मा श्रीलंकासँग खेल्दै प्रतियोगिताको सुरुआत गर्नेछ । त्यसको दुई दिनपछि नेपालले घरेलु टोली भारतसँग खेल्ने तालिका छ । 
बन्द प्रशिक्षणमा परेका खेलाडीलाई आइतबारसम्म सातदोबाटोस्थित मुख्यालयमा सम्पर्क गर्न अखिल नेपाल फुटबल संघ (एन्फा) ले आग्रह गरेको छ ।नेपालले उमेर समूहको यस प्रतियोगितामा दुई पटक उपाधि जितीसकेको छ । सन् २०१५ मा घरेलु भूमिमा भएको च्याम्पियनसिपमा नेपालले भारतलाई पेनाल्टी सुटआउटमा हराउँदै पहिलो संस्करणको उपाधि जितेको थियो ।
प्रारम्भिक टोली :
गोलकिपरः भक्तबहादुर परियार, विक्रम विष्ट, विशेष बानिया, पेम्बा नोर्बु भोटे, रोजन प्रधान, उपेन्द्र लवान ।

डिफेन्डरः एकराज विश्वकर्मा, करण तामाङ, कृष्ण बहादुर आले, कृष मगर, कुसाङ नेम्वाङ, लच्छु थापा, मदन पौडेल, निशान बान्तवा, प्रशान्त मोक्तान, राम थामी, राम थापा, रोहन मोक्तान, रोनेश मगर, रोशन तामाङ, सबिनया कटुवाल, सविनय कटुवाल, सविना थापा, सम्राज्ञी, सविधान, सविधान, डा. सुजलमान घले ।

मिडफिल्डरः अलिक श्रेष्ठ, विज्ञान खड्का, विनायक थारु, धर्मेन्द्र कुँवर, लक्ष्मण थामी, मिचल थापा, रञ्जित लामा, सविन लुंगेली मगर, समिर कुमार ।

फरवार्डः विजय उर्वा, विक्रम गौतम, ग्रेमन श्रेष्ठ, पवन पाखरिन, प्रसुन तामाङ, सुवास बम, सुदीप मोक्तान, सुजन डंगोल ।
 

प्रकाशित मिति: बिहीबार, चैत १४, २०८१  ०६:५६
प्रतिक्रिया दिनुहोस्