चौतारा : चौथो तोप २१ नगरकप भलिबल प्रतियोगितामा नेपाल पुलिस क्लबले विजयी सुरुवात गरेको छ ।

चौतारा टुँडिखेलमा आज भएको पहिलो खेलमा पुलिसले त्रिभुवन आर्मी क्लबलाई ३–१ को सेटमा पराजित गरेको हो । त्रिभुवन आर्मी नेपाल पुलिससँग १९–२५ २५–२० १६–२५ र १७–२५ ले पछाडि पर्दै खेलमा पराजित भएको हो । आजको दोस्रो खेलमा आयोजक जुगल होराइजन सिन्धु र सशस्त्र प्रहरी बलको एपीएफ टोलीबचि प्रतिस्पर्धा हुँदैछ । 
प्रतियोगितामा नेपाल प्रहरी र त्रिभुवन आर्मी क्लब सँगै कोशी प्रदेश कर्णाली प्रदेश सशस्त्र प्रहरी बल गण्डकी प्रदेश र सिन्धु जुगल होराइजन गरी सात टिम सहभागी छन्।
चैत्र २० गतेसम्म सञ्चालन हुने प्रतियोगितामा पहिलो हुने टोलीले ३ लाख दोस्रो हुने टोलीले १ लाख ५० हजार र तेस्रो हुने टोलीले ७५ हजार नगद सहित पुरस्कार प्राप्त गर्ने आयोजकले जनाएको छ ।