काठमाडौँ :हङकङमा हुने फोर नेसन्स कप टी–२० क्रिकेटकालागि नेपाल क्रिकेट संघ क्यानले २० खेलाडीलाई बन्द प्रशिक्षणमा बोलाएको छ ।

नेपाल क्रिकेट संघ क्यानले हङकङ भ्रमणको तयारीका लागि शनिवार घोषणा गरेको टोलीमा स्पीनर सन्दीप लामिछाने र अनिल कुमार शाह भने परेका छैनन् । हर्नियाको अप्रेसनका कारण प्रधानमन्त्री कप समेत नखेलेका सन्दीप अझै तन्दुरुस्त भएका छैनन् ।

दुई मुख्य खेलाडी बाहिरिँदा किरण ठगुन्ना, दीपेन्द्र रावत, रुपेश सिंह र अर्जुन घर्तीजस्ता नयाँ खेलाडीले राष्ट्रिय टोलीमा स्थान बनाएका छन् । रोहित पौडेलको कप्तानीमा घोषण भएको टोलीमा केहि नयाँ अनुहार थपिएका हुन् ।

आउँदो अप्रिल ९ देखि १३ सिरिजमा नेपाल ,हङकङ, कतार र कुवेतले सहभागिता जनाउने छन् ।