काठमाडौँ :मुम्बई इन्डियन्सका कप्तान हार्दिक पाण्ड्यालाई १२ लाख रुपैयाँ जरिवाना गरिएको छ ।

गुजरात टाइटन्स विरुद्धको खेलमा ढिलो ओभर रेटको कारण उनलाई भारतीय क्रिकेट बोर्ड  बीसीसीआईले १२ लाख रुपैयाँ जरिवाना गरिएको भारतीय सञ्चारमाध्यमहरुले जनाएका छन् । उक्त खेलमा मुम्बई इन्डियन्स गुजरात टाइटन्ससँग ३६ रनले पराजित भएको थियो ।

गत सिजनमा ३ खेलमा ढिलो ओभर बलिङ गरेपछि हार्दिकलाई एक खेलको प्रतिबन्ध लागेको थियो । गत सिजनमा हार्दिकलाई तीन खेलमा ढिलो ओभर रेटको कारण बीसीसीआईले जरिवाना गरेको थियो।

आईपीएल–२०२४ मा, मे ३० मा, लखनऊ सुपर जायन्ट्स विरुद्ध, मुम्बईलाई स्लो ओभर रेटको लागि तेस्रो पटक ३० लाख रुपैयाँ जरिवाना र टोलीका कप्तानलाई एक खेलको प्रतिबन्ध लगाइएको थियो ।  

आईपीएल–२०२५ मा कप्तानहरूलाई अब ढिलो ओभर रेटको लागि खेलबाट प्रतिबन्ध नलगाइने भएको छ । तर उनीहरूको खातामा डिमेरिट अंक थपिनेछ ।  जुन तीन वर्षसम्म रहनेछ ।  लेभल १ को अपराधमा म्याच शुल्कको २५ देखि ७५ प्रतिशत जरिवाना र डिमेरिट अंक लाग्नेछ भने लेभल २ को गम्भीर अपराधमा सिधै ४ डिमेरिट अंक हुनेछ ।  

४ डिमेरिट अंक जम्मा भएपछि म्याच रेफ्रीले कप्तानको म्याच शुल्कको शतप्रतिश कटौती गर्न वा थप डिमेरिट अंक प्रदान गर्न सक्नेछ ।