काठमाडौँ : इण्डियन प्रिमियर लिग आइपीएल क्रिकेटमा सनराइजर्स हैदराबादले दिल्ली क्यापिटल्ससामु जितकालागि १६४ रनको लक्ष्य प्रस्तुत गरेको छ ।

आन्द्रा प्रदेशको बिशखापटनमा टस जितेर ब्याटिङ थालेको हैदरावादले १८.४ ओभरमा सवै  विकेट गुमाउँदै १६३ रन बनायो । उसकालागि अनिकेत वर्माले अर्धसतकिय पारी खेल्दै सर्वाधिक ७४ रन बनाए । ४१ बल खेलेका उनले ५ चौका र ६ छक्का प्रहार गरे ।

हेनरिक क्लासेनले ३२ तथा ट्राभिस हेडले २२ रन बनाए । भियान मुल्डरले ९ रन बनाउँदा कप्तान पाट कमिन्सले २ रन जोडे ।

बलिङतर्फ मिचेल स्ट्राकले सर्वाधिक ५ तथा कुलदिप यादव ३ विकेट लिए । मोहित शर्माको नाममा एक विकेट रह्यो ।

दिल्ली आज लगातार दोस्रो जितको खोजिमा छ । हैदराबादले खेलेका दुई खेलमध्ये एकमा हार र एकमा जित निकालेको छ । आइपीएलमा दिल्ली क्यापिटल्स र सनराइजर्स हैदराबादले अहिलेसम्म २४ खेल खेलेका छन् । हैदराबादले १३ पटक र दिल्लीले ११ पटक जितेको छ ।

 हैदराबाद विरुद्ध दिल्ली क्यापिटल्सको सबैभन्दा धेरै २०७ रन बनाएको छ भने सनराइजर्स हैदराबादले दिल्ली विरुद्ध २६६ रन बनाएको थियो ।