काठमाडौँ : इन्डियन प्रिमियर लिग (आईपीएल) क्रिकेटमा मुम्बई इन्डियन्सले पहिलो जित निकालेको छ ।

सोमबार भएको खेलमा मुम्बईले कोलकाता नाइट राइडर्सलाई ८ विकेटले हराउँदै पहिलो जित निकालेको हो । जितकालागि कोलकत्ताले दिएको ११७ रनको लक्ष्य मुम्बईले १२.५ ओभरमा मात्र २ विकेटको क्षतिमा भेटायो ।

उसकालागि  रायन रिकेल्टनले अविजित ६२ रन जोडे ।  सुर्यकुमार यादवले २७ तथा विल ज्याक्सले १६ रन बनाए ।

त्यसअघि टस हारेर पहिले ब्याटिङमा तानिएको कोलकाताले १६.२ ओभरमै अलआउट हुँदै ११६ रन बनाएको थियो । उसकालागि अंगकृश रघुवंशीले सर्वाधिक २६ तथा रमनदीप सिंहले २२ रन बनाए । बलिङतर्फ मुम्बईका अश्वनीले सर्वाधिक  ४ विकेट लिए । दीपक चहरले २ तथा ट्रेन्ट बोल्ट र कप्तान हार्दिक पाण्ड्याले १–१ विकेट लिए ।

आईपीएलको पहिलो खेमै  अश्वनी चम्किएका हुन् । पहिलो जितसँगै मुम्बईले ३ खेलमा २ अंक जोड्दै अंकतालिकामा छैटौं स्थानमा उक्लिएको छ