सोसल मिडिया
हाम्रो बारेमा
प्रयोगका सर्त
चौतारा :नेपाल पुलिस क्लब चौथो तोप २१ नगरकप भलिबल प्रतियोगिताको फाइनलमा प्रवेश गरेको छ ।
आज भएको पहिलो सेमिफाइनलमा सशस्त्र प्रहरी बलको एपीएफ क्लबलाई ३-१ को सेटमा पराजित गर्दै पुलिसले फाइनलमा स्थान बनाएको हो । २५-२० र २५-१६ ले लगातार दुई सेट आफ्नो पक्षमा पारेको पुलिस तेस्रो सेटमा लय गुमाउँदा एपीएफले २७ -२५ ले खेल आफ्नो पक्षमा पारेको थियो । चौथो सेटमा भने पुलिसले आफ्नो पकट जमाउँदै २५ -१४ ले खेल आफ्नो पक्षमा पार्दै फाइनलमा स्थान सुरक्षित गरेको हो। पुलिस समूह 'ए' को विजेता को हैसियतमा समूह 'बी'को उपविजेता एपीएफ सँग फाइनल प्रवेशका लागि प्रतिस्पर्धा गरेको हो। पुलिसले अब गण्डकी र कोशी बीचको विजेतासँग उपाधिको लागि भोलि बुधबार प्रतिस्पर्धा गर्नेछ। त्यस्तै एपीएफले भने तेस्रो स्थानका लागि उक्त खेलको उपविजेतासँग खेल्नेछ। सिन्धुपाल्चोकको चौतारा स्थित टुडिखेलमा जारी प्रतियोगिताको विजेताले ३ लाख, दोस्रो हुनेले १ लाख ५० हजार र तेस्रो हुने टोलीले ७५ हजार नगद सहित पुरस्कार प्राप्त गर्ने छ।