काठमाडौँ :सरकार भर्चुअल माध्यमबाट त्रिवि क्रिकेट मैदान कीर्तिपुरमा निर्माणाधीन क्रिकेट स्टेडियमको निरिक्षण गर्ने भएको छ ।

निर्धारित समयमै काम सक्ने व्यवस्था मिलाउन र कामको गति बढाउन सिंहदरबारस्थित शहरी विकास मन्त्रालयबाटै दैनिक निरिक्षण गर्न सकिने गरी प्रबिधि जडान गरिएको हो ।

शहरी विकास मन्त्रालयका सचिव गोपाल सिग्देलले निर्धारित समयमै निर्माण सक्ने गरी काम भइरहेको र अब नियमित रुपमा मन्त्रालयबाटै निरिक्षणको व्यवस्था मिलाइएको जानकारी दिएका छन । समयमै काम सक्न  आठ घण्टाका दरले अहिले तीन सिफ्टमा काम भइरहेको छ ।

कीर्तिपुर क्रिकेट मैदानमा अन्तर्राष्ट्रिय मापदण्डअनुरूप प्याराफिट निर्माण र फ्लडलाइट जडानकालागि गत फागुनमा सम्झौता भएको थियो ।आगामी वैशाख २४ गतेभित्र सम्पूर्ण काम सक्ने गरी काम भईरहेको हो ।