सोसल मिडिया
हाम्रो बारेमा
प्रयोगका सर्त
चौतारा:चौथो तोप -२१ चौतारा साँगाचोकगढी नगरकप भलिबल प्रतियोगिताको उपाधि नेपाल पुलिस क्लबले जितेको छ। फाइनलमा गण्डकी प्रदेशलाई ३-१ को सेटमा हराउँदै पुलिसले उपाधि कब्जा गरेको हो। फाइनलमा गण्डकी लाई २५-१६, २५-१८ र २५-२२ ले पाखा लगाउँदै उपाधि रक्षा गरेको हो ।
उपाधिसँगै पुलिसले ३ लाख नगदसहित तोप २१ को ट्रफी हात पारेको छ। उपविजेता बनेको गण्डकीले भने १ लाख ५० हजार रुपैयाँमा चित्त बुझाएको छ । प्रतियोगितामा तेस्रो भएको कोशी प्रदेशले ७५ हजार पाएको छ। सशस्त्र प्रहरी बलको एपीएफ क्लबलाई ३–० को सेटमा पराजित गर्दै कोशीले तेस्रो स्थान हासिल गरेको हो।
प्रतियोगितामा नेपाल प्रहरी र त्रिभुवन आर्मी क्लब, कोशी प्रदेश, कर्णाली प्रदेश, सशस्त्र प्रहरी बल, गण्डकी प्रदेश र सिन्धु जुगल होराइजन गरी सात टिम सहभागी भएका थिए। जिल्ला सदरमुकाम चौतारामा रहेको टुँडिखेलमा सम्पन्न प्रतियोगिता चैत्र १५ गतेबाट सुरु भई आज सम्पन्न भएको हो।
त्यस्तै विधागततर्फ सर्बोत्कृठ खेलाडी बनेका नेपाल पुलिस क्लबका रविन चन्दले २० हजार सँगै उत्कृष्ट स्पाइकर गण्डकीका सन्जु विक्रम शाह, उत्कृष्ट नेपाल पुलिसका सेटर बलराम गुरुङ उत्कृष्ट ब्लकर नेपाल पुलिसका सफल बिक र उत्कृष्ट लिबेरो कोशीका सन्तोष राईले समान १०-१० हजार पुरस्कार सहित ट्रफी पाएका छन् ।