काठमाडौँ : पाकिस्तान विरुद्दको एक दिवशीय सिरिज न्यूजल्याण्डले जितेको छ ।

आज भएको दोस्रो खेलमा पाहुना टोली पाकिस्तानलाई ८४ रनले हराउँदै न्यूजल्याण्डले एक खेल अगावै सिरिज २–० ले जितेको हो । जितकालागि न्यूजल्याण्डले दिएको २९३ रनको लक्ष्य पछ्याउको पाकिस्तान ४१.२ ओभरमा २०८ रनमा अलआउट भयो । उसकालागि फहिम असरफले सर्वाधिक ७३ रनको योगदान गरे ।

नसीम शाहले ५१ तथा सुफियान मुकायमले १३ रन जोडे पनि अन्य कुनै पनि ब्याटरले दोहोरो अंकको रन बनाउन सकेनन् । पाकस्तिानलाई सस्तैमा समेट्ने क्रममा बेन सियर्सले सर्वाधिक ५ विकेट लिए । ज्याकब डफीले ३ विकेट हात पारे ।

त्यसअघि सेडन पार्क, ह्यामिल्टनमा टस हारेर पहिले ब्याटिङमा तानिएको न्यूजल्याण्डले निर्धारित ओभरमा ८ विकेट गुमाएर २९२ रन बनाएको थियो । उसकालागि मिचेल हाईले नटआउट ९९ रन बनाए ।

मोहम्मद अब्बासले ४१ तथा निक केलीले ३१ रन जोडे । शनिवार भएको पहिलो खेलमा पाकिस्तान न्यूजल्याण्डसंग ७३ रनले पराजित भएको थियो ।

तेस्रो तथा अन्तिम खेल आगामी शनिवार हुनेछ ।