विराटनगर : इक्युवालिटि कप टी–२० क्रिकेटकोे उपाधिकालागि मोरङ र सप्तरी भिड्ने भएका छन् ।

भोली बिहिवार हुने फाइनलमा यी दुई टोलीले उपाधिकालागि भिड्न लागेका हुन् । नेपाल क्रिकेट फाउण्डेशनको आयोजनामा विराटनगर ६ मा रहेको म्यारिलिबोन ज्वाला क्रिकेट मैदानमा भएको चौथोँ संस्करणको ‘इक्वालिटि कप क्रिकेट २०२५’ प्रतियोगिताको अन्तिम खेलमा विजयी हुँदै मोरङ शिर्ष स्थानमा छ ।

एक खेल अगावै मोरङ र सप्तरीले फाइनलमा भेट पक्का गरेको हो । मोरङले सप्तरीलाई ७ विकेटले पराजित गर्दै अपराजित हुँदै शिर्ष स्थानमा रहेको हो ।

मोरङ खेलेको तीनै खेलमा जित हा पार्दै ६ अंक जोडेको छ भने सप्तरीले ३ मा २ खेलमा जित हात पार्दै ४ अंककासाथ दोस्रो स्थानमा रहेको छ ।टस जितेर ब्याटिङ गरेको सप्तरीले निर्धारित २० ओभरमा ४ विकेट गुमाई ८१ रन जोडेको छ । सप्तरीकी साक्षी यादवले सर्वाधिक अविजित ४२ रन जोडीन् ।

मोरङकी निरु राजवंशीले १ विकेट लिँदा फुलकुमारी राजवंशी र बन्धना राजवंशी र क्रितीषा राजवंशीले १–१ विकेट लिइन् ।