काठमाडौँ :इन्डियन प्रिमियर लिग (आईपीएल) क्रिकेटमा रोयल च्यालेन्जर बंग्लोरुले पहिलो हार ब्यहोरेको छ ।

बुधबार राति भएको खेलमा  बंग्लोरु गुजरात टाइटानसंग ८ विकेटले पराजित भएको हो । जितकालागि बंग्लोरुले दिएको १७० रनको लक्ष्य गुजरातले १३ बल बाँकी रहँदा २ विकेटको क्षतिमा १७० बनाउँदै पूरा गर्यो ।

गुजरातका लागि जोस बटलरले अविजित रहँदै सर्वाधिक ७३ रन जोडे ।सेरफान रुदरफोर्डले अविजित ३० तथा साइ सुदर्शनले ४९ रन जोडे ।

यसअघि टस हारेर पहिले ब्याटिङमा तानिएको  बंग्लोरुले निर्धारित ओभरमा ८ विकेटको क्षतिमा १६९ रन जोडेको हो । उसकालागि लियाम लिभिङ स्टोनले सर्वाधिक ५४ रन जोडे ।

जितेस शर्माले ३३ तथा टिम डेभिडले ३२ रन जोडे । बंग्लोरुलाई सस्तैमा समेट्ने क्रममा मोहम्मद सिराजले घातक बलिङ गरे । ४ ओभरल बलिङ गरेका उनले १९ रन खर्चेर सर्वाधिक ३ विकेट लिए । सिराज खेलको प्लेयर अफ द म्याच घोषित भए ।

हार संगै बंग्लोरु चार अंकसहित तालिकाको तेस्रो स्थानमा खुम्चिएको छ । गुजरात समान अंकका साथ चौथो स्थानमा छ ।

आईपिएलमा आज कोलकाता नाइड राइडर र सनराइजर हैदराबादबीच प्रतिस्पर्धा हुनेछ ।